Donaziuns:
Cun ina donaziun sustegnais Vus las activitads generalas da Procap Grischun. Vus pudais era far ina donaziun liada ad in intent specific u As engaschar sco sponsur per in project da sport, cultura u temp liber. Cun in legat u in relasch a favur da Procap Grischun exprimis Vus era cun Voss ultim giavisch Vossa solidaritad ed amur per il proxim. A medem temp stgaffis Vus clerezza – per Vus sez e Voss confamigliars.
I dat las suandantas pussaivladads da far donaziuns
- donaziun en daners
- donaziun per in’occurrenza/in event
- donaziun en cas da mortori
- legat
- sponsoring da projects
- donaziuns d’interpresas u Corporate Giving
- collecziun a chaschun d’occurrenzas da fatschenta
- plazzar nossas boxas da collecziun per valutas estras
Procap Grischun
Hartbertstrasse 10
7000 Cuira
Spendenkonto:
PC 70-7755-0
IBAN CH71 0900 0000 7000 7755 0
BIC: POFICHBEXXX
Per TWINT:
Donaziuns/lavur voluntara:
Lavur voluntara
Las incumbensas che voluntaris surpiglian tar Procap Grischun èn uschè multifaras sco ils umans che s’engaschan. Quai che collia tuts è il plaschair da sustegnair auters umans. Quest agid vegn prestà cun engaschi e respect per las persunas tgiradas e sin in nivel equivalent.
Avair temp per ils umans
Procap Grischun è dependent da voluntarias e voluntaris motivads che vulan passentar ina part da lur temp liber ensemen cun umans cun impediments. Mauns che sa gidan èn dumandads a chaschun d’occurrenzas, festas ed excursiuns. Surtut il servetsch da visita vegn apprezià fitg dals commembers. Blers umans han sin fundament da lur impediments fadia da bandunar lur dachasa. Perquai sa legran els da visitas regularas.
Vulais Vus As engaschar? Alura As adressai per plaschair directamain a nus contact.
Procap Grischun è in’organisaziun d’utilitad publica senza finamira da profit ed ademplescha il standards da la ZEWO. Il sigil da qualitad garantescha ch’ils daners da donaziun vegnan impundids tenor l’intent e che las structuras da controlla èn independentas ed adequatas.
Nus engraziain a noss fauturs
