Procap Grischun è la pli gronda organisaziun da commembers per persunas cun impediments en il chantun Grischun. Ella porscha a ses commembers servetschs d’emprima qualitad en ils champs da la cussegliaziun giuridica e da las assicuranzas socialas. Cun purschidas da curs, da sport e dal temp liber stgaffescha Procap Grischun ina rait cun in vast sustegn.
Nus vulain promover ils contacts, il svilup, la conscienza da sasez e l’egualitad. Cun Voss agid vulain nus eliminar tut las barrieras.
Cun Vossa commembranza e Voss sustegn pudain nus cuntanscher quai a moda pli efficazia e pli speditiva. As participai damai tuts activamain. Vus pudais cundecider immediat: sco commember activ, solidaric u collectiv. Noss’uniun dumbra en il Grischun passa 3’300 commembers. Sco secziun da Procap Svizra, che cumpiglia passa 22’000 commembers, ans engaschain nus ensemen cun Vus cun tutta forza per Voss interess.