Sco organisaziun d’agid a sasez represchenta Procap Grischun ils interess da persunas cun impediments e vul infurmar e sensibilisar ord vista dals pertutgads directamain. Procap Grischun s’engascha per l’inclusiun e la participaziun sociala cumplaina sco era per la represchentanza dals pertutgads en la politica e l’economia.
Procap Grischun è ultra da quai represchentada en cuminanzas d’interess, sa participescha a consultaziuns, elavura temas en ina cumissiun sociopolitica spezialisada e represchenta ils interess politics.
Sensibilisaziun
Tgi che n’enconuscha betg umans cun impediments è savens malsegir en contact cun els. Procap Grischun offra purschidas da sensibilisaziun. Per promover l’inclusiun da persunas cun impediments en la societad metta l’uniun er a disposiziun vast material d’infurmaziun per classas da scola, manischunzs e persunal da vendita, interpresas ed instituziuns.
Cun organisar occurrenzas culturalas vul Procap Grischun sensibilisar la publicitad, las medias, il public ed ils participants a moda captivanta, averta e natirala per ils basegns da persunas cun impediments.