Nus prendain temp per Vus!
Chattar las dretgas respostas tranter las bleras infurmaziuns davart il dretg d’assicuranza sociala è adina pli grev. Nossa cussegliaziun cumenza là, nua che persunas cun impediments vegnan a lur cunfins. Qua essan nus ferms – As laschai cussegliar.
Procap – cussegliaziun en dumondas d’assicuranzas socialas
Procap procura che las leschas da l’assicuranza sociala vegnian exequidas en il senn da las persunas cun impediments. Nus cussegliain e sustegnain tranter auter geniturs d’uffants cun impediments a partir da la naschientscha fin a la midada en la vita da creschids u respundain per exempel a dumondas davart l’organisaziun u la finanziaziun d’ina assistenza. Nus represchentain umans cun differents impediments envers las autoritads, las dretgiras e las assicuranzas.
Procap – cussegliaziun da finanzas
En collavuraziun cun la Banca Chantunala Grischuna porscha Procap Grischun ina cussegliaziun da finanzas d’emprima qualitad e cuvra tut ils aspects relevants en dumondas da daners e da facultad.